Pages

Sandumal

Sandumal

Wednesday, May 3, 2017

•සිව් සක සිහිනය

"ජීවිතයේ බර අදින්න... රෝද දෙකට උදව් වෙන්න..."



මෙතුවක් කල් අපි දෙන්නගෙ
ජිවන බර කරට අරන්
ඇද්ද නුඹට උදව් වෙන්න
ඔන්න තවත් කෙනෙක් ඇවිත්

හතර රෝද වලටත් බැරි
මහ බර කඳ කෙඳිරි නොගා
ඇද්ද නුඹට උදව් වෙන්න
ඔන්න තවත් කෙනෙක් ඇවිත්

නෑ බෑ නැති උඹෙයි අපෙයි
සබැඳියාව ගැන කියාලා
හෙට ඉඳලා මෙන්න මෙයත්
හොඳට පුරුදු කරල ගනින්..

උඹට රෝද දෙක උනාට
මෙයාට සිව් සක තිබුනට
උඹයි අයියා උඹයි ලොක්කා
ගනින් මෙයත් හරි පාරට

කවිකාරියි මමයි දෙන්න
මුලින් දැකපු දරුවො දෙන්න
තමයි උඹල ඒක හින්ද
පණ වාගෙයි උඹල දෙන්න..